16.11.2024 | 10:35
Հրդեհ Ձորագյուղում
«Ռոսիա» կինոթատրոնին, «Հրազդան» մարզադաշտին և մի շարք շինությունների տրվել է հուշարձանի կարգավիճակ․ ՏԵՍԱՆՅՈՒԹ
18.07.2018 | 16:48
«Զվարթնոց» օդանավակայանի կլոր համալիրին, Գաֆէսճեան արվեստի կենտրոնին, Մետրոյի «Հանրապետության հրապարակ» և «Երիտասարդական» կայարաններին, «Ռոսիա» կինոթատրոնին, «Հրազդան» մարզադաշտին տրվել է հուշարձանների կարգավիճակ։ Այս մասին այսօր լրագրողների հետ զրույցում ասաց Մշակույթի նախարարության Պատմության և մշակույթի հուշարձանների պահպանության գործակալություն պետ Արմեն Աբրոյանը։
Վերջինս նշեց, որ հուշարձանի կարգավիճակի տրամադրման գործընթացում չեն ուսումնասիրվել այդ շենքերի ներկայիս կարգավիճակը, քանի որ դա կարգավորվում է այլ օրենսդրությամբ և այստեղ առաջանում են նաև սեփականատիրոջ հետ կապված խնդիրներ։
«Օրենսդրությունն ասում է, որ հուշարձանի փոփոխություն թույլատրելի է ի նպաստ հուշարձանի, իսկ հուշարձանի քանդում ընդհանրապես արգելվում է»,- ասաց նա՝ ի պատասան հարցի՝ արդյոք վերը նշված շենք-շինությունները հուշարձանի կարգավիճակ ստանալուց հետո փոփոխությունների կարո՞ղ են ենթարկվել, թե՝ ոչ։
Ասուլիսին ներկա ճարտարապետ Արտակ Ղուլյանն էլ նկատեց, որ հուշարձանի կարգավիճակ ստանալուց հետո շատ կարևոր է, որ այդ շենքերը փոփոխությունների չենթարկվեն, քանի որ նրանց արժեքը սկզբնական տեսքի մեջ է։
Մանրամասները՝ տեսանյութում։
