25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
ՄԱԿ-ը հայտարարել է, որ ՌԴ-ում մարդու իրավունքների վիճակը զգալիորեն վատթարացել է
Քաղաքականություն
18.09.2023 | 17:25
Մարդու իրավունքների վիճակը Ռուսաստանի Դաշնությունում զգալիորեն վատթարացել է 2022 թվականի փետրվարին Ուկրաինա լայնամասշտաբ ներխուժումից հետո։ Այս մասին գրում է Reuters-ը՝ վկայակոչելով ՄԱԿ-ի զեկույցը։
«ՌԴ իշխանությունները խստորեն սահմանափակել են միավորումների, խաղաղ հավաքների և արտահայտվելու ազատությունը՝ ինչպես առցանց, այնպես էլ հեռավար, և հիմնովին խաթարել են դատական համակարգի անկախությունը և արդար դատավարության երաշխիքները»,- ասվում է զեկույցում:
Նշվում է, որ Ռուսաստանում այլախոհների նկատմամբ կամայականորեն կիրառվում են տարբեր վարչական պատժամիջոցներ։ Բացի այդ, ուժ է կիրառվում խաղաղ ցուցարարների նկատմամբ։
Այս զեկույցն առաջին դեպքն է, երբ Մարդու իրավունքների խորհուրդը իր գոյության 16 տարիների ընթացքոըն մանդատ է ստանում՝ ստուգելու Անվտանգության խորհրդում մշտական տեղեր զբաղեցնող, այսպես կոչված, «հնգյակի» անդամ երկրներից մեկում մարդու իրավունքների պաշտպանությունը։
Հիշեցնենք, որ ԵՄ բարձր ներկայացուցիչ Ժոզեպ Բորելը հայտարարել էր, որ Ռուսաստանն Ուկրաինայի դեմ պատերազմով անտեսում է ՄԱԿ-ի կանոնադրությունը։
