15.09.2026 | 21:59
Սպիտակ էջեր չկան․ պատասխան Հաջիևի հեգնանքին՝ Մատենադարանի բնօրինակով. ՏԵՍԱՆՅՈՒԹ
Ուկրաինային անհրաժեշտ են անվտանգության երաշխիքներ ՆԱՏՕ-ից. Գերմանիայի ՊՆ ղեկավար
Քաղաքականություն
15.09.2023 | 19:55
Գերմանիայի պաշտպանության նախարար Բորիս Պիստորիուսը հայտարարել է, որ Ուկրաինայում խաղաղությունը հնարավոր է միայն անվտանգության միջազգային երաշխիքների առկայության դեպքում, գրում է DW-ի ռուսական ծառայությունը։
«Այս երաշխիքների էական կողմը մեր խոստումն է՝ աջակցել Ուկրաինային իր զինված ուժերի արդիականացման և բարեփոխման հարցում»,- ասել է նա սեպտեմբերի 15-ին Մյունսթերում Վեստֆալյան խաղաղության առաջին համաժողովի բացման ժամանակ, որին մասնակցել է նաև Կիևի քաղաքապետ Վիտալի Կլիչկոն։
Պիստորիուսի խոսքով՝ ՆԱՏՕ-Ուկրաինա խորհրդի ստեղծումը կարևոր քայլ է սերտ համագործակցության ճանապարհին, որը հնարավորություն կտա Ուկրաինային անդամակցել Հյուսիսատլանտյան դաշինքին:
«Խորհուրդը նպաստում է համատեղ որոշումների կայացմանը քաղաքական մակարդակում: Որքան ավելի ինտենսիվ լինի մեր համագործակցությունը, այնքան շուտ ճանապարհ կգտնվի դեպի ՆԱՏՕ»,- ասել է նա:
