30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Ադրբեջանում կամուրջ է փլուզվել․ կան տուժածներ․ ԼՈՒՍԱՆԿԱՐՆԵՐ
Քաղաքականություն
15.09.2023 | 15:46
Ադրբեջանում ՌԴ տանող Գենդոբ-Խաչմազ-Յալամա պետական ճանապարհին փլուզվել է Գուդիալչայ գետի վրա 1974 թվականին կառուցված կամուրջը, հայտնում են ադրբեջանական լրատվամիջոցները։
Նշվում է, որ փլուզման պատճառն ուժեղ սելավներն ու հեղեղներ են, որոնք առաջացել են մի քանի օր տևած ինտենսիվ անձրևներից։
Կամրջի փլուզման հետևանքով «ՎԱԶ» մակնիշի մարդատար ավտոմեքենա է ընկել գետը։ Դեպքի վայր ժամանած ԱԻՆ աշխատակիցները փրկել են երեք տուժածի։ Պարզվել է, որ նրանք Խաչմազի շրջանի բնակիչներ են՝ Ալիսաֆա Գեյբաթովը (ծնված 1966 թ.), Էլվին Սաֆարալիևը (ծնված 1999 թ.), ինչպես նաև Բաքվի բնակիչ Էֆսուն Գարաևը (ծնված 1984թ.)։ Վիրավորները տեղափոխվել են Խամչազի շրջանի կենտրոնական հիվանդանոց։
Կամրջի փլուզման պատճառով շրջական բնակավայրերի միջև ճանապարհային հաղորդակցությունն ու Բաքվի ուղղությամբ երթևեկն ընդհատվել է։ Տեղում աշխատանքներ են տարվում։
Էմմա Չոբանյան
