15.09.2026 | 21:59
Սպիտակ էջեր չկան․ պատասխան Հաջիևի հեգնանքին՝ Մատենադարանի բնօրինակով. ՏԵՍԱՆՅՈՒԹ
ՌԴ-ն պերսոնա նոն գրատա է հայտարարել ԱՄՆ դեսպանատան երկու աշխատակցի․ դեսպան Թրեյսին ԱԳՆ է կանչվել
Քաղաքականություն
14.09.2023 | 18:37
Մոսկվայում ԱՄՆ դեսպանատան երկու աշխատակիցներ պերսոնա նոն գրատա են հայտարարվել։ ԱՄՆ դեսպան Լին Թրեյսին կանչվել է ՌԴ ԱԳՆ՝ ԱՄՆ դեսպանատան առաջին քարտուղար Ջեֆրի Սիլինի և դեսպանատան երկրորդ քարտուղար Բերնշտեյն Դևիդի՝ դիվանագիտական կարգավիճակի հետ անհամատեղելիության մասին բողոքի նոտա հանձնելու, փոխանցում է BBC-ի ռուսական ծառայությունը:
Նրանց անունները հրապարակվեցին օգոստոսի վերջին, երբ ԱԴԾ-ն առաջին անգամ հայտարարեց Վլադիվոստոկում ԱՄՆ գլխավոր հյուպատոսության նախկին աշխատակից Ռոբերտ Շոնովի կալանավորման մասին։ Շոնովը ձերբակալվել էր դեռևս գարնանը, սակայն նրա դեմ քրեական գործ է հարուցվել ՌԴ քրեական օրենսգրքի նոր հոդվածով (օտարերկրյա պետության, միջազգային կամ օտարերկրյա կազմակերպության հետ կոնֆիդենցիալ հիմունքներով համագործակցություն)։
ՌԴ հետախուզական ծառայության տվյալներով՝ Շոնովը տեղեկություններ է հավաքել Ուկրաինայում ռազմական գործողություններին մասնակցելու մոբիլիզացիայի և «հատուկ ռազմական գործողության» առաջընթացի մասին, ինչպես նաև «2024 թվականի Ռուսաստանի Դաշնության նախագահական ընտրությունների նախօրեին բնակչության բողոքական ակտիվության մասին»։
ԱԴԾ-ն հայտնել է, որ ծանուցումներ է ուղարկել Շոնովի գործով այս երկու դիվանագետներին հարցաքննելու համար։ ԱՄՆ դեսպանատունը հայտնել է, որ ոչ մի ծանուցագիր չի ստացել: ԱՄՆ Պետդեպարտամենտը պահանջել է, որ իր դիվանագետներին վերաբերվեն պատշաճ հարգանքով և ձեռնարկվեն բոլոր անհրաժեշտ միջոցները՝ նրանց ազատության կամ արժանապատվության դեմ ոտնձգությունները կանխելու համար։
Այժմ նրանց արտաքսում են ՌԴ-ից։
