20.06.2026 | 16:53
Արևահարություն, այրվածքներ, մաշկի քաղցկեղ․ ուլտրամանուշակագույն ճառագայթների վտանգները
Մոսկվան Բաքվին և Երևանին զսպվածության կոչ է անում. Պեսկով
Քաղաքականություն
14.09.2023 | 16:59
Ռուսաստանը մտահոգված է Հայաստանի և Ադրբեջանի սահմանին լարվածության աճով։ Այս մասին ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է РБК-ն։
«Իհարկե, մենք մտահոգված ենք, որ լարվածությունը չի թուլանում և նույնիսկ աճի միտում ունի որոշ ուղղություններում։ Չնայած ամեն ինչին՝ Ռուսաստանը մնում է անվտանգության հուսալի երաշխավոր »,- ասել է Պեսկովը։
Այսպես է ՌԴ նախագահի մամուլի քարտուղարը պատասխանել Բաքվի և Երևանի միջև հետագա սրման դեպքում Մոսկվայի որևէ քայլի դիմելու պատրաստակամության մասին հարցին։ Նրա խոսքով՝ Մոսկվան շարունակում է շփումները և՛ Երևանի, և՛ Բաքվի հետ և կոչ է անում «երկու կողմերին զսպվածություն ցուցաբերել և գործել երկու տարի առաջ ստորագրված եռակողմ փաստաթղթերի ոգով»։
Միևնույն ժամանակ նա կոչ է արել հաշվի առնել նոր իրողությունները, «որոնք ի հայտ են եկել»։
