20.06.2026 | 16:14
Էբոլայի հետ կապված իրավիճակն աշխարհում․ 875 հաստատված դեպք, 204 մահ
Ուկրաինայի ԶՈւ-ն հայտնել է Բախմուտից հարավ ընկած հատվածում հաջողության մասին
Քաղաքականություն
14.09.2023 | 14:08
Ուկրաինայի պաշտպանության ուժերը շարունակում են հարձակողական գործողություններ իրականացնել Բախմուտ քաղաքից հարավ և այնտեղ հաջողություններ գրանցել։ Այս մասին հայտարարել է Ուկրաինայի Զինված ուժերի գլխավոր շտաբի խոսնակ Անդրեյ Կովալյովը, հայտնում է Military Media Center-ը։
«Նրանք մասնակի հաջողություններ են ունեցել Դոնեցկի մարզի Կլեշչիևկայի, Անդրեևկայի, Կուրդյումովկայի տարածքներում՝ հակառակորդին պատճառելով կենդանի ուժի և տեխնիկայի զգալի կորուստներ»,- նշել է նա։
Հիշեցնենք, որ անցած 24 ժամվա ընթացքում ռազմաճակատում տեղի է ունեցել 29 բախում։
Հրթիռային ուժերի և հրետանու և անօդաչու համակարգերի ստորաբաժանումները խոցել են ռուսական կողմի կառավարման կենտրոն, զենիթահրթիռային համակարգ և տարածքը, որտեղ կենտրոնացված է ռուսական զենքն ու ռազմական տեխնիկան, 15 հրետանային զենք, երկու զինամթերքի պահեստ և հակառակորդի էլեկտրոնային պատերազմի կայան։
