02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ԱՄՆ-ն անհանգստացած է ՌԴ-ի և Հյուսիսային Կորեայի միջև հնարավոր պաշտպանական համագործակցությամբ
Քաղաքականություն
14.09.2023 | 15:31
Սպիտակ տան Ազգային անվտանգության խորհրդի խոսնակ Ջոն Քիրբին լրագրողներին ասել է, որ ԱՄՆ-ն անհանգստացած է Ռուսաստանի և Հյուսիսային Կորեայի միջև պաշտպանական հնարավոր համագործակցությամբ, գրում է VOA-ն:
Քիրբիի խոսքով՝ ԱՄՆ-ն ուշադիր հետևում է Մոսկվայի և Փհենյանի միջև շփումներին։
«Մոլորակի վրա ոչ մի երկիր, ոչ ոք չպետք է օգնի Պուտինին սպանել անմեղ ուկրաինացիներին։ Եվ եթե նրանք որոշեն ինչ-որ զենքի գործարք անել՝ լավ։ Մենք, իհարկե, դա ի գիտություն կընդունենք և համապատասխան կերպով կվարվենք»,- ասել է նա։
Չորեքշաբթի ՌԴ նախագահ Վլադիմիր Պուտինը ռուսական «Վոստոչնի» տիեզերակայանում հանդիպել է Հյուսիսային Կորեայի առաջնորդ Կիմ Չեն Ընի հետ։
ԱՄՆ-ը և Հարավային Կորեան կրկին զգուշացրել են Հյուսիսային Կորեային՝ զերծ մնալ Ռուսաստանին զինամթերք մատակարարելուց, որը կարող է օգտագործվել Ուկրաինայում պատերազմի համար։
«Հյուսիսային Կորեայից Ռուսաստան զենքի ցանկացած փոխանցում կխախտի ՄԱԿ-ի Անվտանգության խորհրդի բազմաթիվ բանաձևեր։ Մենք կհետևենք իրավիճակին և, անհրաժեշտության դեպքում, չենք վարանի միջոցներ ձեռնարկել մեղավորներին պատասխանատվության ենթարկելու համար»,- իր հերթին ասել է Պետքարտուղարության խոսնակ Մեթյու Միլլերը:
