15.09.2026 | 19:14
Զախարովան հայտարարել է, որ ԵՄ-ին Հայաստանի անդամակցելու հանրաքվեի վերաբերյալ Մոսկվայի դիրքորոշումը չի փոխվել
ԵՄ-ն երկարաձգել է Ուկրաինայում պատերազմի համար ՌԴ-ի դեմ սահմանված պատժամիջոցները
Քաղաքականություն
13.09.2023 | 23:04
Եվրամիությունը վեց ամսով երկարաձգել է պատժամիջոցները Ռուսաստանից ֆիզիկական և իրավաբանական անձանց նկատմամբ, ովքեր պատասխանատու են Ուկրաինայի տարածքային ամբողջականությունը խախտելու համար։ Այս մասին հայտնել է ԵՄ Խորհրդի մամուլի ծառայությունը։
Նշվում է, որ պատժամիջոցները ներառում են ֆիզիկական անձանց ճամփորդության սահմանափակումներ, ակտիվների սառեցում և ֆիզիկական ու իրավաբանական անձանց միջոցների կամ այլ տնտեսական ռեսուրսների տրամադրման արգելք։ Դրանք ուժի մեջ կլինեն առնվազն մինչև 2024 թվականի մարտի 15-ը։
«Պատժամիջոցները կշարունակեն կիրառվել մոտ 1,800 ֆիզիկական անձանց և կազմակերպությունների նկատմամբ, որոնցից շատերը թիրախավորված են՝ ի պատասխան Ուկրաինայի դեմ Ռուսաստանի շարունակական չարդարացված և չհրահրված ռազմական ագրեսիայի»,- ասվում է հայտարարության մեջ:
Միաժամանակ, պատժամիջոցների վերանայման շրջանակում ԵՄ Խորհուրդը հավանություն է տվել չորս անձանց պատժամիջոցների ցուցակից հանելու որոշմանը։
