18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
ԵԽ-ն Թուրքիայի վերաբերյալ զեկույցում աջակցել է Հայաստանի և Թուրքիայի միջև հարաբերությունների կարգավորմանը
Քաղաքականություն
13.09.2023 | 17:30
Այսօր Եվրախորհրդարանը լիագումար նիստում ճնշող մեծամասնությամբ ընդունել է Թուրքիայի վերաբերյալ Հանձնաժողովի 2022 թվականի զեկույցը, որում նաև «սատարում է Հայաստանի և Թուրքիայի միջև հարաբերությունների կարգավորումը՝ ի շահ հաշտեցման, տարածաշրջանային կայունության և անվտանգության»։
Եվրախորհրդարանը նաև ողջունել է մինչ այժմ ձեռք բերված առաջընթացը և «հավանություն հայտնել Հայաստանի վարչապետի ներկայությանը Թուրքիայի նորընտիր նախագահի երդմնակալությանը»:
Հատուկ ներկայացուցիչների կողմից ձեռք բերված և պայմանավորվածությունների շուտափույթ կատարման կոչեր են հնչեցվել, ինչպես, օրինակ, երկու երկրների օդային տարածքի և սահմանի բացումը։
Բացի այդ, զեկույցը ևս մեկ անգամ խրախուսում է Թուրքիային ճանաչել Հայոց ցեղասպանությունը՝ ճանապարհ հարթելու թուրք և հայ ժողովուրդների միջև իրական հաշտեցման համար: Նշվում է նաև Թուրքիայի կողմից հայկական մշակութային ժառանգությունը պաշտպանելու իր պարտավորությունները լիովին հարգելու մասին։
