Բոբ Մենենդեսը կոչ է անում պատժամիջոցներ սահմանել Ալիևի դեմ

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

ԱՄՆ-ը ձախողել է Լեռնային Ղարաբաղում ծանր հումանիտար իրավիճակի լուծումը։ Այս մասին հայտարարել է Սենատի Արտաքին հարաբերությունների հանձնաժողովի նախագահ Բոբ Մենենդեսը՝ կոչ անելով պատժամիջոցներ սահմանել Ադրբեջանի նախագահ Իլհամ Ալիևի դեմ։

Մենենդեսը նաև հորդորել է անհապաղ դադարեցնել Բաքվին տրամադրվող ԱՄՆ օգնությունը:

«Ես չգիտեմ, թե ինչպես կարող է Միացյալ Նահանգները Բաքվի ռեժիմին որևէ աջակցություն հիմնավորել անվտանգության կամ որևէ այլ նպատակով․ նրանց օգնություն ուղարկելը ծաղր է»,- ասել է Մենենդեսը։

Նա կոչ է արել ՄԱԿ-ում ԱՄՆ դեսպանին ներկայացնել Անվտանգության խորհրդի բանաձև, որը կստիպի դադարեցնել Արցախի շրջափակումը։

Սենատորը նաև ցուցադրել է լուսանկար, որտեղ պատկերված է նիհարած արցախցու մարմին՝ մատնանշելով շրջափակման ազդեցությունը քաղաքացիական անձանց առողջության վրա: Նա վկայակոչել է տեսանյութերը, որոնցում ադրբեջանական ուժերը սառնասրտորեն սպանում են անզեն հայ զինվորներին, հաղորդումներն ադրբեջանցի զինվորների կողմից սեռական ոտնձգությունների և անդամահատումների վերաբերյալ, անդրադարձել նաև հայ կին զինվորներին։ Ըստ Մենենդեսի՝ տեսանյութերում պատկերված են ցեղասպանության դրսևորումներ:

«Սա մի ռեժիմի աշխատանք է, որը ձգտում է ոչնչացնել և ջնջել Լեռնային Ղարաբաղի այս հինավուրց հայկական համայնքի պատմությունը»,- ասել է Մենենդեսը՝ նշելով, որ առանց «անհապաղ գործողությունների՝ հայերի այս խումբը մի քանի շաբաթում կոչնչացվի»։

Էմմա Չոբանյան