24.11.2024 | 15:26
Ուկրաինան կարող է ավարտել պատերազմը 2025-ին․ Զելենսկին սպասում է Թրամփի առաջարկներին
Սևաստոպոլի գործարանի վրա հրթիռային հարձակման հետևանքով 24 վիրավոր կա
Քաղաքականություն
13.09.2023 | 12:02
Սևաստոպոլի օկուպացիոն իշխանությունների ղեկավար Միխայիլ Ռազվոժաևը հաստատել է, որ այդ գիշեր հրթիռային հարված է հասցվել նավաշինարանի վրա և հայտնել, որ հարձակման հետևանքով, նախնական տվյալներով, տուժել է 24 մարդ, փոխանցում է BBC-ի ռուսական ծառայությունը։
«Ես գտնվում եմ «Սևմորզավոդ»-ի հարավային հատվածում բռնկված հրդեհի վայրում: Բոլոր օպերատիվ ծառայություններն աշխատում են տեղում, քաղաքի քաղաքացիական օբյեկտներին վտանգ չի սպառնում»,- գրել է Ռազվոժաևը Telegram-ի իր ալիքում։
«Սևմորզավոդ»-ը Սևաստոպոլի նավաշինական գործարանն է, որտեղ կառուցվում և վերանորոգվում են Ռուսաստանի Սևծովյան նավատորմի նավերը։
Ռազվոժաևի խոսքով՝ 24 տուժածներից չորսի վիճակը միջին ծանրության է։ Սոցցանցերի օգտատերերի կողմից հրապարակված մի քանի տեսանյութերից պարզ է դառնում, որ գործարանի տարածքում առնվազն երեք հզոր պայթյուն է տեղի ունեցել։
