20.06.2026 | 14:53
Ձորագետում հայտնաբերված վիրավոր արծվին տեղափոխվել է հատուկ կենտրոն
Պետդեպի խոսնակը՝ Փաշինյանին ուղղված Պուտինի մեղադրանքների և ՀՀ իշխանություններին տապալելու ռուսական ծրագրերի վերաբերյալ տեղեկությունների մասին
Քաղաքականություն
13.09.2023 | 13:41
ԱՄՆ Պետքարտուղարություն խոսնակ Մեթյու Միլլերը կրկին անդրադարձել է Արցախում ստեղծված հումանիտար ճգնաժամին։ Լրագրողը նրան հարց է ուղղել ՌԴ նախագահ Վլադիմիր Պուտինի՝ նախօրեին ԼՂ-ի վերաբերյալ հայտարարությունների մասին, որոնցում նա ամեն ինչում մեղադրում էր Հայաստանին և երկրի իշխանություններին։
Բացի այդ, լրագրողը Միլլերից նաև հետաքրքրվել է, թե ԱՄՆ-ն ինչ է մտածում այն մասին, որ Պուտինը փորձում է տապալել Հայաստանի ժողովրդավար իշխանություններին ու դրա համար «Վագների» վարձկանների ուղարկել։
«Ես չեմ պատրաստվում պատասխանել այդ մեկնաբանությանը։ Պարզապես կասեմ, որ մենք շարունակում ենք աշխատել Հայաստանի և Ադրբեջանի միջև ստեղծված իրավիճակի կարգավորման ուղղությամբ։ Ինչպես երեկ եմ ասել՝ պետքարտուղարն անձնապես է այս ամենում ներգրավված։ Վերջին 24 ժամվա ընթացքում Աղդամի ճանապարհով մարդասիրական ապրանքների մեկ խմբաքանակ է անցել Լեռնային Ղարաբաղ, հետևաբար, մենք կրկնում ենք մեր կոչը կոնկրետ հարցի վերաբերյալ, թե որքան կարևոր է երկու միջանցքները բացել, և կարճաժամկետ, ինչպես նաև ավելի երկարաժամկետ հեռանկարում՝ երկու երկրները վերջնական համաձայնության գան»,- ասել է Պետքարտուղարության խոսնակը։
Էմմա Չոբանյան
