27.12.2024 | 11:55
Եթե մարդը հրաժարվի մեր առաջարկից, չաշխատի, կարձանագրենք` եկամուտ ունի. նախարար․ ՏԵՍԱՆՅՈՒԹ
Վարչապետ Նիկոլ Փաշինյանն այսօր ներկա էր Արամ Մանուկյանի արձանի բացման արարողությանը
Քաղաքականություն
17.07.2018 | 18:38
Վարչապետ Նիկոլ Փաշինյանն այսօր ներկա էր Արամ Մանուկյանի արձանի բացման արարողությանը։
Իր ելույթի խոսքում ՀՀ վարչապետը նշեց, որ, ի դեմ Արամ Մանուկյանի, գործ ունենք մեծագույն գործչի հետ, ով իրականացրեց մի մեծ առաքելություն։
«Մեծագույն առաքելություն էր գտնել հաղթանակ պարտությունների տեղատարափի ներքո, գտնել հույս՝ հուսահատության հեղեղի մեջ, գտնել ուժ, երբ թվում է՝ թևերդ թուլացած են, երբ թվում է, թե ծնկներդ ծալված են, երբ թվում է թե, ողնաշարդ կոտրված է»,-ասաց ՀՀ վարչապետը։
Վարչապետը նշեց, որ Արամ Մանուկյանը լիովին կատարեց իր առաքելությունը, երբեք չապրեց իր և իր հարազատների համար, փոխարենը ապրեց իր ժողովրդի համար և հաղթեց հենց այդ ժողովրդի համար։
«Նա մահացավ իր գաղթած, կոտրված, անտուն ժողովրդից իրեն փոխանցված հիվանդության արդյունքում և ամբողջացրեց իր առաքելությունը»,-ասաց Նիկոլ Փաշինյանը՝ ընդգծելով, որ պետական, հանրային այրերի, ՀՀ քաղաքացիների առաքելությունն է՝ լինել արժանի Արամ Մանուկյանին, նրա առաքինությանը և հայ ժողովուրդը պետք է ապրի այնպես, որ ամեն անգամ Արամ Մանուկյանի արձանի դիմացով անցնելիս ուղիղ նայի նրա աչքերի մեջ։
«Նրա հաղաթնակը կենդանի է»,-ասաց վարչապետն ու շեշտեց՝ հայ ժողովուրդը հաղթնակել է հավիտյան:
