15.09.2026 | 21:24
Հրապարակվել են հոկտեմբերի 25-ին կայանալիք ՏԻՄ ընտրությունների ընտրողների ցուցակները
Կրեմլից հաստատել են․ մոտ օրերս Կիմ Չեն Ընը կայցելի Ռուսաստան
Քաղաքականություն
11.09.2023 | 22:18
Հյուսիսային Կորեայի առաջնորդ Կիմ Չեն Ընը մոտ օրերս կայցելի Ռուսաստան՝ ՌԴ նախագահ Վլադիմիր Պուտինի հրավերով։ Տեղեկությունը հաստատել են Կրեմլից, փոխանցում է BBC-ի ռուսական ծառայությունը։
Ավելի վաղ արտասահմանյան լրատվամիջոցները հայտնել էին Կիմ Չեն Ընի առաջիկա այցի մասին։ Ըստ որոշ տեղեկությունների՝ նրա զրահագնացքն արդեն մեկնել է դեպի ռուսական Պրիմորիե։
ԿԺԴՀ ղեկավարի և ՌԴ նախագահի հանդիպումը սպասվում է սեպտեմբերի 12-ին կամ 13-ին՝ Վլադիվոստոկում։ ԱՄՆ-ը հայտարարել է, որ բանակցությունները նվիրված են լինելու Ռուսաստանին զինամթերք մատակարարելուն։
Փհենյանը նախկինում հերքել էր Մոսկվային ռազմական օգնություն ցուցաբերելու մասին ԱՄՆ-ի մեղադրանքները։
