04.06.2026 | 12:48
Օվերչուկը հայատարարել է, թե Հայաստանի հետ կապված որոշումները «կախված կլինեն ընտրությունների արդյունքներից»
WSJ-ն տեղեկացել է, որ Նավալնիին ցանկանում են ներառել ՌԴ-ի և Արևմուտքի միջև փոխանակման ցուցակում
Քաղաքականություն
11.09.2023 | 22:02
Ռուսաստանը ձգտում է հայրենիք վերադարձնել Վադիմ Կրասիկովին, որը ցմահ բանտարկության պատիժն է կրում Գերմանիայում՝ Չեչնիայի նախկին դաշտային հրամանատար Զելիմխան Խանգոշվիլիի սպանության համար։ Գերիների փոխանակման թեկնածուների թվում է ռուսաստանցի ընդդիմադիր գործիչ Ալեքսեյ Նավալնիի անունը, գրում է The Wall Street Journal-ը (WSJ)՝ վկայակոչելով արևմտյան երկրների անանուն պաշտոնյաներին։
Պարբերականի բարձրաստիճան զրուցակիցն ասել է, որ ՌԴ նախագահ Վլադիմիր Պուտինը շահագրգռված է միայն Կրասիկովի հետ փոխանակմամբ։ ԱՄՆ-ն իր հիմնական հույսերը կապում է Գերմանիայում դատապարտված ռուս մարդասպանի հետ՝ իր քաղաքացիների փրկության համար, ինչպես, օրինակ, նախկին ծովային հետևակ Փոլ Ուելանին, որը 2020 թվականին Ռուսաստանի Դաշնությունում դատապարտվել է 16 տարվա ազատազրկման՝ լրտեսության մեղադրանքով, ինչպես նաև WSJ-ի թղթակցին։ Նույն հոդվածի համար մարտից կալանքի տակ է նաև Էվան Գերշկովիչը։
Միևնույն ժամանակ, քննարկվում է արևմտյան երկրներում դատապարտված ռուսների բազմակողմ փոխանակումը Ռուսաստանում դատապարտված օտարերկրացիների, ինչպես նաև Նավալնիի նման քաղբանտարկյալների հետ, նշում են WSJ-ի աղբյուրները։
