26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Բաքվի ու Երևանի միջև սրացումը բարդացնում է ապաշրջափակման ուղղությամբ աշխատանքը․ Օվերչուկ
Քաղաքականություն
11.09.2023 | 14:01
Հարավային Կովկասում տրանսպորտային կապերի ապաշրջափակման շուրջ եռակողմ աշխատանքային խմբի բանակցությունները շարունակվում են, սակայն Հայաստանի և Ադրբեջանի միջև սրումը բացասաբար է անդրադառնում այդ աշխատանքների վրա։ Այս մասին Արևելյան տնտեսական ֆորումի շրջանակում լրագրողների հետ զրույցում հայտարարել է ՌԴ փոխվարչապետ Ալեքսեյ Օվերչուկը, փոխանցում է ՏԱՍՍ-ը։
«Իհարկե, ցանկացած սրացում միշտ բացասաբար է անդրադառնում մեր աշխատանքի վրա, հետ է պահում, ժամանակ է անցնում, մինչև կրկին վերադառնում ենք ու սկսում աշխատել։ Բանակցությունները դադարեցված չեն, շարունակվում են»,-ասել է Օվերչուկը։
Նրա խոսքով՝ ՌԴ-ի, Հայաստանի և Ադրբեջանի փոխվարչապետների հաջորդ հանդիպումը տարածաշրջանում տրանսպորտային կապերի ապաշրջափակման հարցով տեղի կունենա, երբ դրա համար պայմանները հասունանան։
Հավելենք, որ նման ձևաչափով վերջին հանդիպումը տեղի էր ունեցել հունիսի 2-ին։
Էմմա Չոբանյան
