17.12.2025 | 12:34
Թուրքիան որոշում է կայացրել արտաքսել ադրբեջանցի ընդդիմադիր գործչին. Բաքվում նրան սպառնում է ձերբակալություն
Հայ-ամերիկյան համատեղ զորավարժություններին մասնակցելու է 85 ամերիկացի, 175 հայ զինվորական․ Reuters
Քաղաքականություն
06.09.2023 | 17:10
Հաջորդ շաբաթ ՀՀ-ում Միացյալ Նահանգների հետ համատեղ զորավարժություններին մասնակցելու է 85 ամերիկացի և 175 հայ զինվորական։ Այս մասին հայտնել է Reuters-ը՝ վկայակոչելով ԱՄՆ ռազմական գերատեսչության խոսնակին։
Ըստ բրիտանական պարբերականի՝ ամերիկացիները, այդ թվում՝ Կանզասի ազգային գվարդիայի անդամները, որոնք 20 տարվա ուսումնավարժական գործընկերության փորձ ունեն Հայաստանի հետ, զինված կլինեն հրացաններով և չեն օգտագործի ծանր զինատեսակներ։
Հավելենք, որ ՀՀ-ԱՄՆ զորվարժությունները ՌԴ-ի անհանգստությունն են հարուցել։ Մասնավորապես Կրեմլի խոսնակ Դմիտրի Պեսկովը հայտարարել է, որ «նման լուրերը մտահոգության տեղիք են տալիս՝ հատկապես ներկա իրավիճակում» և նշել է, որ ՌԴ-ն «խորությամբ կվերլուծի այդ տեղեկությունները»։
Ավելի վաղ ՀՀ ՊՆ-ն հայտնել էր, որ սեպտեմբերի 11-20-ը Միջազգային խաղաղապահ առաքելություններում մասնակցության նախապատրաստման շրջանակում ՊՆ խաղաղապահ բրիգադի «Զառ» ուսումնական կենտրոնում և ՊՆ N ուսումնական կենտրոնում կանցկացվի «ԱՐԾԻՎ ԳՈՐԾԸՆԿԵՐ-2023» հայ-ամերիկյան համատեղ զորավարժությունը։
