30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Բաքուն «Զանգեզուրի միջանցքի» բացման պլան B ունի․Բայրամովը սպառնացել է Հայաստանին
Քաղաքականություն
06.09.2023 | 16:56
Ադրբեջանի ԱԳ նախարար Ջեյհուն Բայրամովն ադրբեջանական պետական «Ազերթաջ» և հունգարական Magyar Demokrata լրաստվամիջոցներին տված հարցազրույցում դարձյալ խոսել է «Զանգեզուրի միջանցքից» ու սպառնացել Հայաստանին։
«Զանգեզուրի միջանցքը» Արևելք-Արևմուտք տրանսպորտային երթուղու տարրերից մեկն է։ Փորձագետների գնահատմամբ՝ այն կարող է հավելյալ 5-8 մլն տոննա բեռնափոխադրումներ ավելացնել Միջին միջանցքին։ Սա մեծ օգուտ է ոչ միայն Ադրբեջանի և Հայաստանի, այլ նաև այլ երկրների համար»,-նշել է Բայրամովը և պնդում արել, թե նման միջանցի բացումը 2020 թ-ի նոյեմբերի 9-ի եռակողմ հայտարարության մաս է, թեև իրականում եռակողմ հայտարարության մեջ Հայաստանի տարածքով անցնող որևէ միջանցքի մասին որևէ դրույթ չկա։
Բայրամովը բողոքել է, որ Հայաստանը ապակառուցողական դիրքորոշում ունի այս հարցում։
«Ինչ-որ պահի այնպիսի զգացողություն է ստեղծվում, որ մենք մոտ ենք աշխատանքն ավարտելուն, երբ, վերջին պահին, հանկարծ Հայաստանը նոր բան է առաջ քաշում, որը նորից գործընթացը տանում է դեպի փակուղի։ Սա կառուցողական չէ, բացի այդ, սա նաև եռակողմ հայտարարության համապատասխան կետի խախտում է, ըստ որի՝ Հայաստանը պարտավորություն է ստանձնել երաշխավորելու ապրանքների, քաղաքացիների և տրանսպորտային միջոցների անխափան տեղաշարժը»,-ասել է Ադրբեջանի ԱԳ նախարարը ու սպառնալիքներ հնչեցրել։
«Ադրբեջանը կշարունակի աշխատել այս ուղղությամբ՝ ունենալով պլան B-ն։ Իսկ մեզ համար նախագիծը կիրականացվի նույնիսկ առանց Հայաստանի մասնակցության, բայց այս դեպքում Հայաստանը ուղղակի դուրս կմնա շահառուների ցանկից»,- եզրափակել է Բայրամովը։
