28.06.2026 | 13:22
Օդի ջերմաստիճանն աստիճանաբար կբարձրանա 5-7 աստիճանով
Սաուդյան Արաբիան և ՌԴ-ն երկարաձգել են մինչև տարեվերջ նավթի արդյունահանման կամավոր կրճատումները
Քաղաքականություն
06.09.2023 | 13:45
Սաուդյան Արաբիան և Ռուսաստանը հայտարարել են մինչև տարեվերջ նավթի արդյունահանման կամավոր կրճատումները երկարաձգելու մասին՝ գների պահպանման արշավի շրջանակում, գրում է VOA-ն:
Սաուդյան Արաբիայի արդյունահանման օրական 1 մլն բարելի կրճատումը, որն ուժի մեջ է մտել հուլիսին, կտևի մինչև 2023 թվականի դեկտեմբերի վերջը, հայտնել է Սաուդյան Արաբիայի Էներգետիկայի նախարարությունը։
ՌԴ արտահանման օրական մինչև 300 հազար բարելի կրճատումը կշարունակվի նույն ժամանակահատվածում, ասվում է փոխվարչապետ Ալեքսանդր Նովակի առանձին հայտարարության մեջ։
Սաուդյան Արաբիան առաջին անգամ արդյունահանման կրճատման մասին հայտարարել է հունիսին՝ ՕՊԵԿ+-ի նիստից հետո, որի կազմում կա 23 երկիր, այդ թվում՝ Ռուսաստանը։
