Քաղաքականություն
05.09.2023 | 18:53
Հնդկաստանի վարչապետ Նարենդրա Մոդիի գլխավորած կառավարությունը, ամենայն հավանականությամբ, խորհրդարանի հատուկ նիստի ժամանակ բանաձև կներկայացնի՝ երկրի պաշտոնական անվանումը Բհարաթ փոխելու համար։ Խորհրդարանի նստաշրջանը նախատեսված է սեպտեմբերի 18-22-ը, գրում է The Economic Times-ը։
Կոնգրեսի ղեկավար Ջայրամ Ռամեշը նաև հաստատել է, որ G20-ի պաշտոնական ընթրիքի հրավերները Հնդկաստանի նախագահի կողմից ուղարկվել են «Բհարաթի նախագահ» անունով՝ սովորական «Հնդկաստանի նախագահի» փոխարեն:
«Այսպիսով, լուրն իսկապես ճիշտ է: Ռաշտրապատի Բհավանը սեպտեմբերի 9-ին G20-ի ընթրիքի հրավեր է ուղարկել «Բհարաթի նախագահի» անունով՝ սովորական «Հնդկաստանի նախագահի» փոխարեն: Այժմ Սահմանադրության 1-ին հոդվածը կարող ենք կարդալ այսպես՝ «Բհարաթը, որը Հնդկաստանն էր, կլինի պետությունների միություն»»,- գրել է նա X-ի իր էջում։
Նշենք, որ սեպտեմբերի 9-10-ը Հնդկաստանում տեղի է ունենալու G20 երկրների ղեկավարների գագաթնաժողովը։
Հավելենք նաև, որ Բհարաթը Հնդկաստանի պատմական անունն է հինդի լեզվով։ Երկրի «Հնդկաստան» անվանումը տվել են հյուսիսարևմտյան եվրոպացիները՝ երկրի հյուսիսում հոսող Ինդոս գետի անվանը համապատասխան։
Էմմա Չոբանյան
