19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Խովաևը Երևանից հետո այցով Բաքվում է․ Ալիևի հետ քննարկել է Լաչինի միջանցքի բացման հարցը
Քաղաքականություն
05.09.2023 | 12:28
Ադրբեջանի նախագահ Իլհամ Ալիևը Բաքվում ընդունել է ԵԱՀԿ Մինսկի խմբի ռուսաստանցի համանախագահ, Հայաստանի և Ադրբեջանի միջև հարաբերությունների կարգավորմանն աջակցելու հարցերով ՌԴ արտաքին գործերի նախարարի հատուկ ներկայացուցիչ Իգոր Խովաևին։ Ադրբեջանի նախագահականի տարածած հաղորդագրության համաձայն կողմերը քննարկել Հարավային Կովկասում ու Լաչինի միջանցքի շուրջ իրավիճակը։
«Հանդիպմանը քննարկվել է տարածաշրջանում տիրող իրավիճակը, Աղդամ-Ստեփանակերտ և Լաչին-Ստեփանակերտ ճանապարհների բացման հարցը»,- ասվում է հաղորդագրության մեջ։
Ալիևը նաև նշել է, թե «չնայած Ղարաբաղի շրջանի հայ բնակչության ներկայացուցիչներին հրավիրվել են Բաքու և Ադրբեջանի այլ քաղաքներ՝ վերաինտեգրման հարցերի շուրջ քննարկումներ անցկացնելու համար, նրանք հրաժարվել են»։
Ըստ ադրբեջանական կողմի՝ Խովաևն էլ իր հերթին ասել է, որ Ռուսաստանը կշարունակի ջանքեր գործադրել Ադրբեջանի և Հայաստանի միջև հարաբերությունները կարգավորման և տարածաշրջանում կայուն խաղաղություն ապահովման համար։
Հավելենք, որ ավելի վաղ Խովաևը Երևանում էր հանդիպումներ անցկացրել։
