Կուբայի իշխանությունները հայտնել են ցանցի բացահայտման մասին, որը երկրի քաղաքացիներին հավաքագրել է՝ ՌԴ-ից կողմից ուկրաինական պատերազմին մասնակցելու համար

Կուբայի իշխանությունները բացահայտել են մարդկանց առևտրի հանցավոր ցանց, որի մասնակիցները հավաքագրել են երկրի քաղաքացիներին՝ Ռուսաստանի կողմից Ուկրաինայի պատերազմին մասնակցելու համար։ Այս մասին ասված է Կուբայի ԱԳՆ հայտարարության մեջ, փոխանցում է Meduza-ն։

Նախարարության տվյալներով՝ հանցավոր ցանցը գործել է Ռուսաստանից։ Խմբի մասնակիցները փորձել են ՌԴ-ում բնակվող Կուբայի քաղաքացիներին և «նույնիսկ Կուբայում ապրող մի քանիսին» հավաքագրել զինված ուժերի շարքերը, որոնք մասնակցում են Ուկրաինայում «ռազմական գործողություններին»:

«Նման բնույթի փորձերը չեզոքացվել են, իսկ անձանց նկատմամբ, որոնք կապված են այդ գործունեության հետ, հարուցվել են քրեական գործեր»,- ասվում է ԱԳՆ հայտարարության մեջ։

Նշվում է, որ «Կուբայի թշնամիները խեղաթյուրված տեղեկատվություն են տարածում»՝ «նսեմացնելու երկրի իմիջը և այն ներկայացնելու որպես գործողությունների մեղսակից, որոնք կտրականապես մերժում են»։

Reuters գործակալությունն էլ ուշադրություն է հրավիրել այն փաստի վրա, որ մայիսի վերջին «Рязанские ведомости» թերթը հայտնել է, որ Կուբայի մի քանի քաղաքացիներ պայմանագրեր են կնքել ռուսական զինված ուժերի հետ և մեկնել Ուկրաինա՝ ռուսական կողմից պատերազմին մասնակցելու։

ՌԴ իշխանությունները պաշտոնապես դեռևս չեն մեկնաբանել Կուբայի ԱԳՆ-ի այս հայտարարությունը։

Էմմա Չոբանյան