Քաղաքականություն
04.09.2023 | 17:27
Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի բանակցություններն ընդլանված ձևաչափով՝ պատվիրակությունների մասնակցությամբ, շատ կառուցողական են եղել։ Այս մասին ВГТРК-ի թղթակից Պավել Զարուբինին ասել է ՌԴ նախագահի մամուլի խոսնակ Դմիտրի Պեսկովը, փոխանցում է ՏԱՍՍ-ը։
«Շատ կառուցողական էին տարբեր ուղղություններով։ Մանրամասն զեկույցներ նախարարներից, աշխատանքային խմբերի ղեկավարներից։ Տեղեկատվության ամբողջական փոխանակում։ Մենք անցել ենք բոլոր ուղղություններով։ Երկկողմ հարաբերությունների համապարփակ վերլուծություն»,- նշել է Պեսկովը։
Նա նաև հայտնել է, որ բանակցությունների արդյունքում փաստաթղթերի ստորագրում չի նախատեսվում։
Այժմ շարունակվում է երկու երկրների ղեկավարների հանդիպումը նեղ ձևաչափով։
Էմմա Չոբանյան
