24.02.2026 | 14:15
Հայտնի է դարձել՝ ինչ է Մեսին ասել մրցավարին․ ՏԵՍԱՆՅՈՒԹ
Աշխարհը հետևում է Թուրքիա-ՌԴ բանակցություններին՝ արդյունքի ակնկալիքով․ Էրդողանը՝ Պուտինին
Քաղաքականություն
04.09.2023 | 15:31
Ամբողջ աշխարհը հետևում է Սոչիում անցկացվող Ռուսաստանի և Թուրքիայի նախագահների՝ հացահատիկի գործարքի շուրջ քննարկումներին՝ արդյունքի ակնկալիքով։ Այս մասին հայտարարել է Թուրքիայի նախագահ Ռեջեփ Թայիփ Էրդողանը ռուս գործընկեր Վլադիմիր Պուտինի հետ բանակցությունների մեկնարկից առաջ։
«Ամենակարևոր քայլն այն է, որ այսօր ամբողջ աշխարհը հետևում է հացահատիկային միջանցքի քննարկումներին Թուրքիա-Ռուսաստան գագաթնաժողովի ժամանակ։ Նրանք այսօր սպասում են արդյունքի։ Կարծում եմ, որ ուղերձը, որը կհնչի մեր հանդիպումներին հաջորդած ասուլիսում, քայլ կլինի դեպի աշխարհը, հատկապես՝ զարգացող աֆրիկյան երկրները»,- ասել է Էրդողանը։
Բացի այդ, նա նշել է, որ Անկարան և Մոսկվան գնում են դեպի 100 միլիարդ դոլարի ապրանքաշրջանառության հասնելու նպատակը։
«Մենք բոլորովին այլ շրջան ենք ապրում Թուրքիայի և Ռուսաստանի հարաբերություններում։ Շատ գոհ ենք, որ մեր արտաքին առևտրի ծավալը ներկայում կազմում է 62 միլիարդ դոլար, և մենք շարժվում ենք դեպի մեր նպատակը՝ 100 միլիարդ դոլար»,- ասել է Էրդողանը։
Նա նաև հայտնել է, որ Անկարայի համար կարևոր է գազային հանգույցի ստեղծումը։
Հավելենք, որ նախագահի պաշտոնում վերընտրվելուց հետո Էրդողանն առաջին այցն է կատարել ՌԴ։
Էմմա Չոբանյան
