24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
Էրդողանը Պուտինին միջնորդություն կառաջարկի Ուկրաինայի հարցում. Milliyet
Քաղաքականություն
04.09.2023 | 14:30
Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ բանակցություններում կհայտարարի իր պատրաստակամության մասին՝ հանդես գալ որպես միջնորդ ուկրաինական հակամարտությունը լուծելու համար։ Այս մասին գրել է Milliyet-ը՝ հղում անելով իր աղբյուրներին, փոխանցում է Կոմերսանտը։
Երկու երկրների ղեկավարները կհանդիպեն այսօր՝ սեպտեմբերի 4-ին, Սոչիում։
Ըստ հրապարակման՝ Էրդողանը պատրաստվում է նշել, որ «պատերազմի հետևանքները երկրաչափական պրոգրեսիայով աճ են գրանցել», և ընդգծելու է «տարածաշրջանում կայուն խաղաղության և կայունության հաստատման կարևորությունը»։ Նա հայտարարելու է, որ «պատրաստ է ստանձնել միջնորդի դեր և տրամադրել ցանկացած տեսակի աջակցություն, ներառյալ՝ ուղիղ բանակցությունները, կողմերի միջև կայուն խաղաղություն ապահովելու համար»։
Հանդիպման մեկ այլ կարևոր թեմա կլինի հացահատիկային գործարքի վերսկսումը, որին աջակցում է նաև Անկարան։ Եվս երկու հարց, որոնք նախատեսվում է բարձրացնել բանակցությունների ընթացքում Էրդողանը, ռուսական գազի՝ Թուրքիայի տարածքով Եվրոպա փոխադրումն է, ինչպես նաև ահաբեկչության դեմ պայքարում երկու երկրների համագործակցությունը, հատկապես՝ Սիրիայում։
