Քաղաքականություն
04.09.2023 | 15:04
Ուկրաինայի ԱԳՆ խոսնակ Օլեգ Նիկոլենկոն, հղում անելով Ուկրաինայի պետական սահմանապահ ծառայությանը, ֆեյսբուքյան իր էջում հայտնել է, թե «այս գիշեր Իզմայիլ նավահանգստի տարածքում ռուսական զանգվածային հարձակման ժամանակ ռուսական «Շահեդ»-ներն ընկել և պայթել են Ռումինիայի տարածքում»:
Նա նաև հրապարակել է ենթադրյալ պայթյունի լուսանկարը։
Ավելի ուշ Reuters-ը հայտնել է, որ Ռումինիայի Պաշտպանության նախարարությունը հերքել է տեղեկությունները, թե ռուսական անօդաչու թռչող սարքերն ընկել և պայթել են Ռումինիայի տարածքում։ Գործակալությունը նաև հայտնել է, որ այսօր ավելի ուշ գերատեսչությունը հայտարարություն կհրապարակի։
