25.02.2026 | 21:42
Ադրբեջանի կառավարական աղբյուրները պնդում են, թե Վաշինգտոնում Ալիևի դեմ բողոքի ցույցերի հետևում կանգնած է Ռուսաստանը
Պսկովի օդանավակայանի վրա հարձակման համար օգտագործված ԱԹՍ-ները գործարկվել են ՌԴ տարածքից. Բուդանով
Քաղաքականություն
01.09.2023 | 20:37
Ուկրաինայի Պաշտպանության նախարարության հետախուզության գլխավոր վարչության ղեկավար Կիրիլ Բուդանովը պնդում է, որ Պսկովում գտնվող «Կրեստի» ավիաբազային խոցած անօդաչու թռչող սարքերն արձակվել են Ռուսաստանից, գրում է DW-ի ռուսական ծառայությունը։
The War Zone-ին տված մեկնաբանությունում նա ասել է՝ «Մենք աշխատում ենք Ռուսաստանի տարածքից», սակայն հրաժարվել է հստակեցնել՝ անօդաչու սարքերն արձակվել են ուկրաինացի զինվորականների, թե՞ ռուսների կողմից:
Բուդանովի խոսքով՝ հարձակման արդյունքում ոչնչացվել է երկու տրանսպորտային Իլ-76 ինքնաթիռ, ևս չորսը վնասվել է։ Այս ինքնաթիռներն օգտագործվում են ռազմական բեռների և դեսանտայինների տեղափոխման համար։
The War Zone-ը հրապարակել է նաև արբանյակային պատկերներ «Կրեստիի» օդանավակայանից, որոնց վրա երևում է ոչնչացված ինքնաթիռը, ինչպես նաև անօդաչու սարքերից մեկի ինֆրակարմիր տեսախցիկից արված տեսանյութից սքրինշոթ:
