16.10.2026 | 23:30
Երևանում ընդունվել է «Հանուն բնության գործողությունների» հռչակագիրը
ՄԻԵԴ-ն Ադրբեջանին տուգանել է ավելի քան 65,000 եվրոյով
Քաղաքականություն
01.09.2023 | 17:51
Մարդու իրավունքների եվրոպական դատարանը (ՄԻԵԴ) օգոստոսի 31-ին հրապարակել է 3 որոշում և վճիռ՝ Ադրբեջանի 8 դիմումների վերաբերյալ։ Բողոքների հիման վրա եվրոպական դատարանն Ադրբեջանի կառավարությանը տուգանել է 65 հազար եվրոյով, գրում են ադրբեջանական լրատվամիջոցները։
Նաբատ Բագիրովայի և հինգ այլ դիմումատուներ բողոքել էին սեփականության իրավունքի խախտման դեմ։ Նրանց անշարժ գույքը՝ տներ, հողատարածքներ կամ բնակարաններ, քանդվել են 2015-16 թվականներին Բաքվում ճանապարհների բարեկարգման ծրագրի շրջանակում: Գույքի օտարումն ապօրինի է եղել։ Եվրոպական դատարանը որոշել է, որ դիմումատուների բողոքն արդարացված է՝ գտնելով, որ խախտվել է թիվ 1 Արձանագրության 1-ին հոդվածը։
Դատարանը նշել է կառավարության և դիմումատուների միջև համաձայնության գալու հնարավորության մասին։ Եթե կողմերը 3 ամսվա ընթացքում համաձայնության գան, ապա պետք է զեկուցեն ՄԻԵԴ-ին, ինչից հետո վերջնական որոշում կհրապարակվի։
«Սուգրա Գուլիևն ընդդեմ Ադրբեջանի» գործով նշվում է Սարայի մունիցիպալիտետում 0,3 հեկտար տարածքի բռնագրավման մասին։ 178 հազար մանաթի փոխհատուցում վճարելու պահանջով հայցը տեղի դատարանները չեն բավարարել։ Եվրոպական դատարանը գտել է, որ խախտվել է նաև թիվ 1 արձանագրության 1-ին հոդվածը և որոշել է պարտավորեցնել հայցվորին վճարել 62,200 եվրո նյութական և 3,000 եվրո բարոյական վնասի համար։
«Նասիմի Մուսաևն ընդդեմ Ադրբեջանի» գործով դիմումատու Նասիմի Մուսաևը Լերիկից բանակ է զորակոչվել 2011 թվականին։ Լերիկի զինվորական հանձնաժողովը որոշել էր, որ նա պիտանի չէ զինվորական ծառայության դիաբետի պատճառով: Դիմումատուն բազմիցս դիմել է հանձնաժողով և խնդրել իր զինվորական կարգավիճակը հաստատող զինգրքույկ, սակայն չի կարողացել ստանալ այն և բողոքել է իր իրավունքների ոտնահարման մասին։ Արդյունքում, կառավարությունն ընդունել է 6-րդ հոդվածի խախտումը և պարտավորվել է դիմումատուին վճարել 1000 եվրո:
Էմմա Չոբանյան
