14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Չինաստանի իշխանությունները նոր քարտեզներ են հրապարակել, որոնց վրա ՌԴ-ի մի մասը որպես իրենց տարածք են նշել
Քաղաքականություն
30.08.2023 | 21:14
Չինաստանի իշխանությունները հրապարակել են 2023 թվականի նոր աշխարհագրական քարտեզները, որոնց վրա Ամուրի Մեծ Ուսուրի կղզին որպես իրենց տարածք են նշել։ Այս մասին հայտնում է VOA-ն։
Չինաստանը և Ռուսաստանը (ԽՍՀՄ) վիճարկում են այս տարածքի պատկանելությունը 1964 թվականից։ 2008-ին Մոսկվան և Պեկինը համաձայնագիր կնքեցին, որով կղզին բաժանվեց երկու երկրների միջև, այնուհետև փորձագետները դա անվանեցին նշան, որ Մոսկվան հույս ունի Չինաստանի հետ երկարաժամկետ և կայուն հարաբերությունների:
Նոր պաշտոնական քարտեզի վրա Չինաստանն ամբողջ կղզին նշել է որպես չինական տարածքի ամենաարևելյան կետ: Բացատրական գրությունում ընդգծվում է, որ «քարտեզը կազմվել է Չինաստանի և աշխարհի այլ երկրների սահմանների նախագծման ազգային չափանիշներին համապատասխան»։
Բացի Մեծ Ուսուրի կղզուց՝ Չինաստանը որպես իր տարածք է նշել նաև Հնդկաստանի Արունաչալ Պրադեշ նահանգը և սահմանամերձ Ակսայչին շրջանը: Հնդկաստանի ԱԳՆ-ն արդեն բողոքի նոտա է հղել է Պեկինին, Մոսկվան դեռևս չի արձագանքել նոր քարտեզներին։
Քարտեզների պաշտոնական հավաքածուն օգտագործվելու է մեդիա նյութերում՝ ներառյալ նորություններ, գրքեր և գովազդային նյութեր: Քարտեզները կարող են օգտագործվել նաև որպես հիմնական տեղեկատու:
