15.09.2026 | 23:00
Թրամփը հայտարարել է, որ TRIPP-ը մեծ առավելություն է տալիս Թեհրանի հետ հարաբերություններում․ The Hill
ՀՀ ԱԳ փոխնախարարն ընդունել է Հնդկաստանի պաշտպանության ազգային քոլեջի պատվիրակությանը
Քաղաքականություն
29.08.2023 | 18:43
Օգոստոսի 29-ին ՀՀ արտաքին գործերի նախարարի տեղակալ Մնացական Սաֆարյանն ընդունել է Հնդկաստանի պաշտպանության ազգային քոլեջի պատվիրակությանը՝ քոլեջի հրամանատար-ղեկավար, գեներալ-լեյտենանտ Սուկրիտի Սինգհ Դահիյայի գլխավորությամբ: Հնդկաստանի, Ֆրանսիայի, Բրազիլիայի, Շրի Լանկայի, Նիգերիայի և Մոնղոլիայի բարձրաստիճան զինվորականներից ու քաղաքացիական ներկայացուցիչներից բաղկացած պատվիրակությունը Հայաստան է ժամանել քոլեջի «Ազգային անվտանգության և ռազմավարական ուսումնասիրությունների» դասընթացի շրջանակներում․ տեղեկացնում են ՀՀ ԱԳՆ-ից։
Մնացական Սաֆարյանը ողջունել է պատվիրակության այցը Հայաստան՝ կարևորելով կողմերի միջև ոլորտային համագործակցության դինամիկան, ապա անդրադարձ կատարել ՀՀ արտաքին քաղաքականության մի շարք հիմնահարցերի: Նախարարի տեղակալը ներկայացրել է տարածաշրջանում վերջին զարգացումները ու դրանց հետևանքները, Հայաստանի կողմից տարածաշրջանում առաջ մղվող խաղաղության օրակարգի առջև ծառացած մարտահրավերներն ու Ադրբեջանի կողմից Լաչինի միջանցքի ապօրինի արգելափակման հետևանքով ահագնացող մարդասիրական ճգնաժամը՝ շեշտելով էթնիկ զտման սպառնալիքի առջև կանգնած Լեռնային Ղարաբաղի ժողովրդի իրավունքների և անվտանգության խնդիրների՝ միջազգային մեխանիզմի ներքո հասցեագրման խիստ հրատապությունը:
