15.12.2025 | 19:37
Միքայել արքեպիսկոպոսի գործով նիստը մեկնարկեց վերաքննիչում
Ուկրաինայի պետական պարտքը գերազանցել է 121 միլիարդ եվրոն
Քաղաքականություն
29.08.2023 | 15:55
Ուկրաինայի պետական պարտքը հուլիսին աճել է 146,23 մլրդ գրիվնայով (3,66 մլրդ եվրո): Այս մասին են վկայում Ֆինանսների նախարարության տվյալները, որոնց ուշադրություն են դարձրել ուկրաինական լրատվամիջոցները։
Հուլիսի 31-ի դրությամբ՝ երկրի պետական պարտքը կազմել է 4860,59 մլրդ գրիվնա (121,6 մլրդ եվրո), հայտնել է գերատեսչությունը, գրում է DW-ի ռուսական ծառայությունը։
Արտաքին պարտքը կազմել է այդ գումարի 68,29 տոկոսը կամ 3,319,19 միլիարդ գրիվնա (83 միլիարդ եվրո): Մնացած 31,71 տոկոսը կազմում է ներքին պարտքը՝ 1541,41 մլրդ գրիվնայի չափով (38,5 մլրդ եվրո):
Մի քանի օր առաջ Ուկրաինան Եվրամիությունից ստացել է 1,5 միլիարդ եվրոյի վարկ՝ որպես օգնության հերթական փաթեթ։
Միջոցները պետք է օգնեն ռուսական ներխուժումից պաշտպանվող երկրին՝ աջակցել պետական մարմինների աշխատանքին և վերականգնել վնասված ենթակառուցվածքները, ասել է Եվրահանձնաժողովի նախագահ Ուրսուլա ֆոն դեր Լեյենը:
