02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ԱՄՆ-ը և Չինաստանը պայմանավորվել են առևտրային երկխոսության նոր ձևերի շուրջ
Քաղաքականություն
29.08.2023 | 14:15
ԱՄՆ-ը և Չինաստանը պայմանավորվել են ստեղծել երկխոսության երկու մեխանիզմ՝ նվազեցնելու թյուրըմբռնումները չինական տեխնոլոգիաների նկատմամբ ԱՄՆ-ի արտահանման կոշտ վերահսկողության առումով, գրում է VOA-ն։
Պեկինը կարծում է, որ այդ միջոցառումներն ուղղված են իր ընկերությունների գործունեությունը սահմանափակելուն։
ԱՄՆ առևտրի նախարար Ջինա Ռայմոնդոն չինացի գործընկեր Վան Վենտաոյի հետ հանդիպումների արդյունքում ասել է, որ Պեկինը և Վաշինգտոնը բիզնեսի ներկայացուցիչների մասնակցությամբ աշխատանքային խումբ կստեղծեն, որը կզբաղվի առևտրի հարցերով։ Բացի այդ, նախատեսվում է ստեղծել արտահանման վերահսկողության հարցերի վերաբերյալ կառավարական տեղեկատվության փոխանակման մեխանիզմ։
«Շատ կարևոր է, որ մենք ունենանք կայուն տնտեսական հարաբերություններ։ Սա ձեռնտու է մեր երկրներին, և, փաստացիորեն, աշխարհը մեզանից հենց դա է ակնկալում»,- ասել է նա։
Ամերիկացի նախարարը հավելել է, որ ԱՄՆ-ը և Չինաստանը պահպանում են կայուն տնտեսական հարաբերություններ՝ հիմնված «ուղիղ, բաց և գործնական» հաղորդակցության վրա։
