24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
Լեհաստանն ու Բալթյան երկրները պահանջում են, որ վագներականները հեռանան Բելառուսից
Քաղաքականություն
28.08.2023 | 21:59
Լեհաստանը և Բալթյան երկրներն ամբողջությամբ կփակեն Բելառուսի հետ իրենց սահմանները, եթե «Վագներ» մասնավոր խմբավորման վարձկանների մասնակցությամբ վտանգավոր միջադեպ տեղի ունենա, երկուշաբթի հայտարարել է Լեհաստանի ներքին գործերի նախարար Մարիուշ Կամինսկին, գրում է BBC-ի ռուսական ծառայությունը։
Նա նաև պահանջել է անօրինական միգրանտներին դուրս բերել սահմանային գոտուց՝ նշելով, որ նրանց «այնտեղ են տարել բելառուսական ծառայությունները»։
«Մինսկի իշխանություններից պահանջում ենք, որ «Վագներ» խմբավորումն անհապաղ լքի Բելառուսի տարածքը, իսկ անօրինական միգրանտներն անհապաղ լքեն սահմանային գոտին և հետ ուղարկվեն իրենց երկրներ»,- ասել է Կամինսկին Վարշավայում կայացած մամուլի ասուլիսում, որին մասնակցել են նաև նրա գործընկերները Լիտվայից, Լատվիայից և Էստոնիայից:
Լատվիան, Լիտվան և Լեհաստանը, որոնք սահմանակից են Բելառուսին, ավելի ու ավելի են անհանգստանում սահմանների անվտանգությամբ այն բանից հետո, երբ «Վագների» հազարավոր վարձկաններ մուտք գործեցին երկիր նախագահ Ալեքսանդր Լուկաշենկոյի նախաձեռնությամբ:
