16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Եվրոպային ջրային ճգնաժամ է սպառնում երաշտի ու ոչ խելամիտ քաղաքականության պատճառով․ FT
Քաղաքականություն
29.08.2023 | 11:46
Երաշտը և անտառային հրդեհները, որոնք գրանցվել են ամռանը հարավային Եվրոպայում, զգալիորեն վատթարացրել են տարածաշրջանում ջրի պակասի հետ կապված իրավիճակը, գրում է Financial Times-ը։ Խնդիրը սրվում է անոմալ բարձր ջերմաստիճանի և տեղական իշխանությունների վատ քաղաքականության պատճառով, նշում է թերթը։
1976-2006 թվականների ընթացքում ԵՄ-ում երաշտների հաճախականությունն ու ինտենսիվությունը աճել են մոտ 20%-ով և շարունակում են աճել, նշում է FT-ն: Համաշխարհային ռեսուրսների ինստիտուտը (WRI) կանխատեսում է, որ մինչև 2030 թվականը քաղցրահամ ջրի համաշխարհային պահանջարկը կգերազանցի հասանելի առաջարկը 56%-ով, ինչը 16%-ով գերազանցում է McKinsey-ի 2009 թվականի կանխատեսումը:
Ջրի պակասը կարող է ամենաշատը կարող է ազդել եվրոպացի ֆերմերների վրա: Որպես օրինակ, FT-ն մատնանշում է Ֆրանսիայի և Իսպանիայի ֆերմերների միջև բախումները։ Սա կազդի նաև տնային տնտեսությունների և արդյունաբերության այլ ոլորտների վրա, ներառյալ էներգիայի արտադրությունը: Ըստ պարբերականի՝ տեղական իշխանությունների սխալ քաղաքականությունը ռեսուրսների բաշխման հարցում ևս հանգեցրել է ջրի սակավության։ Նույնիսկ Եվրոպայի այն հատվածները, որոնք ավանդաբար բարձր խոնավություն ունեն, օրինակ՝ Լեհաստանը կամ Գերմանիան, դարձել են «ջրային սթրեսի» գոտիներ, գրում է թերթը։
Բելգիան, որը հայտնի է իր ամպամած եղանակով, Եվրոպայում «ջրային սթրեսին» ամենաշատը բախվող երկիրն է ըստ WRI-ի օգոստոսին հրապարակված ինդեքսի: Սա պայմանավորված է երկրի բնակչության խտությամբ և վատ ենթակառուցվածքներով:
Բացի այդ, մի շարք եվրոպական երկրներում զգալի քանակությամբ ջուր է կորչում խողովակաշարերի հնացած համակարգերի պատճառով: FT-ն նշում է, որ իրավիճակը սրվում է կոմունալ ընկերությունների կողմից ենթակառուցվածքներում ներդրումների բացակայության հետևանքով:
