02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Իսրայելը հրթիռակոծել է Հալեպի օդանավակայանը․ Reuters
Քաղաքականություն
28.08.2023 | 14:41
Oգոստոսի լույս 28-ի գիշերը Իսրայելը հրթիռային հարված է հասցրել Հալեպի միջազգային օդանավակայանին, ինչի հետևանքով թռիչքուղին վնասվել է, հայտնում են սիրիական լրատվամիջոցները։ Այս տեղեկությունը Reuters-ի հետ զրույցում հաստատել է Դամասկոսի պաշտպանության նախարարության աղբյուրը։
SANA պետական լրատվական գործակալությունը հայտնում է, որ իսրայելական ինքնաթիռները Միջերկրական ծովից գրոհել են օդանավակայանը տեղական ժամանակով ժամը 4.30-ի սահմաններում։ Տուժածների մասին տեղեկություններ չկան։
Հալեպի միջազգային օդանավակայանը այս տարի մինչ այս էլ մի քանի անգամ թիրախավորվել էր և վնասվել։ Իսրայելը չի մեկնաբանել օդանավակայանին նոր հարվածի մասին լուրերը։ Իսրայելի ռազմաօդային ուժերը վերջին տարիներին հարյուրավոր ավիահարվածներ են հասցրել Սիրիայի իշխանությունների վերահսկողության տակ գտնվող տարածքներին, այդ թվում՝ Դամասկոսի և Հալեպի օդանավակայաններին։ Ընդ որում, պաշտոնական Թել Ավիվը գրեթե երբեք չի հաստատում և չի քննարկում նման ռազմական գործողությունների փաստերը։
