24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Զելենսկին հանդիպել է Թուրքիայի ԱԳՆ ղեկավարի հետ
Քաղաքականություն
25.08.2023 | 20:31
Թուրքիայի արտգործնախարար Հաքան Ֆիդանը ժամանել է Կիև և հանդիպել Ուկրաինայի նախագահ Վլադիմիր Զելենսկու հետ։ Այս մասին Facebook-ում հայտնել է Ուկրաինայի ղեկավարը, գրում է Korrespondent-ը։
«Քննարկվել են շատ կարևոր հարցեր՝ խաղաղության բանաձևը, Խաղաղության գլոբալ գագաթնաժողովի նախապատրաստումը, Ռուսաստանի կողմից Սևծովյան հացահատիկային միջանցքի արգելափակման հետ կապված ռիսկերը»,- գրել է նախագահը։
Զելենսկին շնորհակալություն է հայտնել Թուրքիային՝ Ուկրաինային մշտական և հետևողական աջակցության համար։
Ավելի վաղ ԶԼՄ-ները հայտնել էին, որ Թուրքիայի նախագահ Ռեջեփ Թայիփ Էրդողանը պատրաստվում է այցելել Ռուսաստան՝ հանդիպելու Վլադիմիր Պուտինի հետ և քննարկելու հացահատիկային գործարքը։ Դա տեղի է ունեցել այն բանից հետո, երբ ինքը՝ Պուտինը, մտափոխվել է Թուրքիա գնալու հարցում։
Միաժամանակ, հայտնի է դարձել, որ Էրդողանի գլխավոր խորհրդական Ակիֆ Չաղաթայ Քըլըչը գալիս է Ուկրաինա։
Սպասվում էր նաև արտաքին գործերի նախարար Հաքան Ֆիդանի այցը Ուկրաինա և Ռուսաստանի Դաշնություն։
