15.09.2026 | 23:14
Հայաստանի մի շարք հասցեներում էլեկտրաէներգիայի անջատումներ կլինեն
Heineken-ին հաջողվել է ՌԴ-ում իր բիզնեսը վաճառել 1 եվրոյով
Քաղաքականություն
25.08.2023 | 19:21
Գարեջուր արտադրող Heineken ընկերությունը հայտարարել է, որ կարողացել է ՌԴ-ում իր բիզնեսը, որը ներառում է 7 գարեջրի գործարան և 1800 աշխատակից, խորհրդանշական 1 եվրոյի դիմաց վաճառել փաթեթավորման և կոսմետիկայի ռուսական ընկերության։ Աշխարհի մեկ այլ խոշորագույն գարեջրի արտադրող Carlsberg-ը հաջողության չի հասել. նրա ռուսական ակտիվները վերցվել են պետության կողմից, գրում է BBC-ի ռուսական ծառայությունը:
Այսպիսով, Heineken-ը հայտարարել է Ռուսաստանում ակտիվների վաճառքի գործարքի ավարտի մասին։ Գործարքը ստացել է բոլոր անհրաժեշտ հաստատումները։ Արդյունքում, ավարտված է Ռուսաստանից հեռանալու գործընթացը, որը սկսվել էր 2022 թվականի մարտին։
Ռուսաստանում Heineken-ի (United Heineken Brewery LLC) բաժնետոմսերի 100%-ը վաճառվել է ընդամենը 1 եվրոյով՝ ասվում է ընկերության մամուլի հաղորդագրության մեջ, մինչդեռ գնորդը պետք է մարի մոտ 100 միլիոն եվրոյի ներխմբային պարտքը:
Նույն գումարով 2022 թվականի հոկտեմբերին Nissan-ը համաձայնեց վաճառել իր ռուսական ստորաբաժանումը NAMI պետական ավտոմոբիլային ինստիտուտին՝ դառնալով վերջին խոշոր համաշխարհային ավտոարտադրողը, որը լքեց Ռուսաստանը Ուկրաինա ներխուժման պատճառով:
