24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Վրաստանում մեկնարկել են ՆԱՏՕ-ի երկրների և գործընկերների Agile Spirit-2023 վարժանքները․ Ադրբեջանը ևս մասնակիցների ցանկում է
Քաղաքականություն
23.08.2023 | 14:29
Վրաստանում մեկնարկել են ՆԱՏՕ-ի երկրների և գործընկերների Agile Spirit-2023 միջազգային զորավարժությունները, որոնց մասնակցում են մինչև 3,6 հազար զինվորականներ Դաշինքի 22 երկրներից և գործընկեր պետություններից, գրում է Գրուզիա օնլայնը։
Բացման պաշտոնական արարողությունը տեղի է ունեցել ՆԱՏՕ-Վրաստան համատեղ ուսուցման և գնահատման կենտրոնի (JTEC) ուսումնական հրապարակում։
Նշվում է, որ Վրաստանն արդեն տասնմեկերորդ անգամ է ընդունում Agile Spirit վարժանքները:
Նպատակը սիմուլացված մարտական իրավիճակում առաջադրանքների համատեղ մշակումն է։ Զորավարժություններին միացել են բազմազգ ստորաբաժանումը՝ Հարավ-Արևելք (MND-SE), Լիտվա-Լեհաստան-Ուկրաինա բրիգադը (LITPOLUKR բրիգադ) և ՆԱՏՕ-ի բազմազգ ռազմական ոստիկանության գումարտակը (MNMPBAT NATO):
Զորավարժությունների սցենարը ներառում է թուրքական տարածք ներխուժման իմիտացիա, դաշտային վարժանքներ ուղիղ կրակով, հատուկ նշանակության ուժերի և ռազմական բժիշկների համատեղ գործողություններ։
Agile Spirit-2023 զորավարժությունների տարածքը ներառում է ինչպես արևելյան, այնպես էլ արևմտյան Վրաստանը: Առաջադրանքների մի մասը կմշակվի Փոթիի ջրային տարածքում՝ առափնյա անվտանգության ծառայության հետ համատեղ։
Զորավարժությունները կտևեն մինչև սեպտեմբերի 1-ը։
Վարժանքներին մասնակցում են Վրաստանը, ԱՄՆ-ը, Թուրքիան, Մեծ Բրիտանիան, Ադրբեջանը, Բելգիան, Բուլղարիան, Ֆրանսիան, Գերմանիան, Հունաստանը, Հունգարիան, Իտալիան, Հորդանանը, Լատվիան, Լիտվան, Մոլդովան, Նորվեգիան, Լեհաստանը, Ռումինիան, Սլովակիան, Իսպանիան և Ճապոնիան:
