24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Խերսոնի վրա հարձակման հետևանքով հինգ մարդ վիրավորվել է․ մանկապարտեզ է հրդեհվել
Քաղաքականություն
23.08.2023 | 13:45
Այսօր առավոտյան Ուկրաինայի իշխանությունները հայտնել են Խերսոնի շրջանի Կորաբելնոմու թաղամասի վրա օդային հարվածի և քաղաքի կենտրոնի գնդակոծման մասին։ Արդյունքում, ըստ տեղեկությունների, տուժել է առնվազն հինգ մարդ, գրում է BBC-ի ռուսական ծառայությունը։
Կորաբելնոմու թաղամասի վրա հարձակումը հանգեցրել է նախադպրոցական ուսումնական հաստատությունում հրդեհի, հրետակոծության հետևանքով վեց մարդ վիրավորվել է։ Այս մասին էլ հայտնել է Խերսոնի ռազմական վարչակազմի ղեկավար Ռոման Մրոչկոն։
«Առավոտյան ժամը 4-ի սահմաններում ռուս զինվորականները երկու կառավարվող օդային ռումբ են նետել մանկապարտեզների և բնակելի տների վրա։ Գնդակոծության հետևանքով հրդեհ է բռնկվել, որն արագորեն մարվել է հրշեջների կողմից։ Վեց մարդ վիրավորվել է։ 22-ամյա մի երիտասարդ տեղափոխվել է բուժհաստատություն, մյուսին բժիշկները տեղում բուժօգնություն են ցուցաբերել»,- իր հերթին ասել է շրջվարչակազմի ղեկավար Ալեքսանդր Պրոկուդինը։
