14.09.2026 | 11:22
Սիսիանի «Մայիսի 28» զբոսայգու 10-րդ հողամասը վերադարձվել է համայնքին
ՌԴ-ում 6 տարվա ազատազրկում են պահանջել «Նովիյ ֆոկուս» ամսագրի գլխավոր խմբագրի համար՝ ռուսական բանակի մասին «ֆեյքերի» գործով
Քաղաքականություն
22.08.2023 | 19:53
ՌԴ-ում դատախազությունը պահանջել է վեց տարվա ազատազրկման դատապարտել սիբիրյան պարբերականներից մեկի՝ «Նովիյ ֆոկուս» ամսագրի գլխավոր խմբագիր Միխայիլ Աֆանասևին՝ ռուսական բանակի վերաբերյալ կեղծ տեղեկատվություն տարածելու համար։
Բացի այդ, դատախազը միջնորդել է երեք տարի ժամկետով արգելել լրագրողին ԶԼՄ-ներում և համացանցում նյութերի տեղադրման հետ կապված գործունեությամբ զբաղվել, հաղորդում է currenttime.tv-ն։
Աֆանասիևի դեմ գործի պատճառ է դարձել 2022 թվականի ապրիլին նրա կողմից «Նովիյ ֆոկուս» ամսագրում հոդվածի հրապարակումը Խակասիայից ՕՄՕՆ-ի 11 մարտիկների՝ Ուկրաինա մեկնելուց հրաժարվելու մասին։
Անցյալ տարվա ապրիլի 15-ին դատարանը ձերբակալել էր Աֆանասևին։ Ձերբակալությունից երկու օր առաջ ուժայինները խուզարկել են լրագրողի տունը և առգրավել նրա համակարգիչները, կապի սարքավորումները և տվյալների կրիչները։ Դրանից հետո նրան բերման են ենթարկել։
