16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Էրդողանը կգնա Ռուսաստան Պուտինի հետ բանակցությունների համար․ Yeni Safak
Քաղաքականություն
22.08.2023 | 18:22
Թուրքիայի նախագահ Ռեջեփ Թայիփ Էրդողանը կմեկնի Ռուսաստան՝ հանդիպելու իր գործընկեր Վլադիմիր Պուտինի հետ։ Այս մասին գրում է թուրքական «Yeni Safak»-ը՝ վկայակոչելով Թուրքիայի ղեկավարի վարչակազմի աղբյուրներին։
Էրդողանի գրասենյակը նախ պնդում էր, որ Պուտինն է գալու Թուրքիա, սակայն Կրեմլում նշել են, որ հանդիպման վայրը դեռ որոշված չէ։
Կողմերը նախատեսում են քննարկել երկկողմ հարաբերությունները, Ուկրաինան և հացահատիկային գործարքը։ Պարբերականի համաձայն՝ Ռեջեփ Թայիփ Էրդողանի այցը ամենակարևոր քայլը կլինի հացահատիկային համաձայնագրի իրագործումը շարունակելու համար։ Աղբյուրները նշում են, որ Էրդողանն ասել է՝ «ինչ-որ կերպ կարելի է փոխզիջում գտնել»։
Yeni Safak-ի փոխանցմամբ՝ Թուրքիայի նախագահի գրասենյակն աննպատակահարմար է համարում հացահատիկային գործարքի երկարաձգումն առանց Ռուսաստանի մասնակցության։ Այս առումով Էրդողանի համար առանցքային է նախկին ձևաչափով համաձայնագրի վերագործարկման հարցը։
Օգոստոսի 2-ին հեռախոսազրույցներից հետո Թուրքիայի և Ռուսաստանի ղեկավարները պայմանավորվել են դեմ առ դեմ հանդիպում անցկացնել։ Էրդողանի գրասենյակը հայտարարել էր, թե ՌԴ նախագահը համաձայնել է այցելել Թուրքիա։ Սակայն Կրեմլը պարզաբանել է, որ պարտադիր չէ՝ բանակցությունները տեղի ունենան Թուրքիայում՝ նշելով, որ Վլադիմիր Պուտինը «պետք է լինի երկրում» ներկա պայմաններում, և նրա համար «դժվար է որևէ այց կատարել»։
