16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
ԵՄ-ն Ուկրաինային 1,5 մլրդ եվրոյի չափով օգնության նոր տրանշ է հատկացրել
Քաղաքականություն
22.08.2023 | 15:55
Եվրամիությունն Ուկրաինային մակրոֆինանսական օգնության նոր տրանշ է հատկացրել՝ 1,5 մլրդ եվրոյի չափով։ Այս մասին X սոցիալական ցանցում (նախկինում՝ Twitter) հայտնել է Եվրահանձնաժողովի ղեկավար Ուրսուլա ֆոն դեր Լեյենը։
Ֆոն դեր Լեյենի խոսքով՝ միջոցներն օգտագործվել են ռազմական հակամարտության պայմաններում Ուկրաինայի գործունեությանն աջակցելու համար։ Այսպիսով, ԵՄ-ն աջակցում է Ուկրաինայի վերականգնմանը և պահպանում է «պետության ֆունկցիոնալությունը»։
2022 թվականի դեկտեմբերին ԵՄ խորհուրդը համաձայնություն է տվել 2023 թվականին Ուկրաինային 18 միլիարդ եվրոյի մակրոֆինանսական օգնության հատկացմանը։ Ծրագրի շրջանակում ամեն ամիս Կիև է ուղարկվում 1,5 մլրդ եվրո։ ԵՀ-ն պարզաբանել է, որ միջոցները տրամադրվում են արտոնյալ վարկերի տեսքով, որոնց մարման համար Ուկրաինայի իշխանությունները կստանան 35 տարի՝ 2033 թվականից սկսած։
