24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Ուզբեկստանի նախագահն Ադրբեջանում է․ նախատեսվում է նրա այցը Արցախի գրավյալ տարածքներ
Քաղաքականություն
22.08.2023 | 14:25
Պետական այցով Ադրբեջան է ժամանել Ուզբեկստանի նախագահ Շավքաթ Միրզիոևը։
Հեյդար Ալիևի անվան միջազգային օդանավակայանում Ուզբեկստանի նախագահին և նրա տիկնոջը՝ Զիրոաթոն Միրզիոևային դիմավորել են Ադրբեջանի առաջին փոխվարչապետ Յաղուբ Էյուբովը, փոխարտգործնախարար Էլնուր Մամեդովը և այլ պաշտոնյաներ, գրում են տեղական լրատվամիջոցները։
Նշվում է, որ երկօրյա այցի ընթացքում նախատեսվում է Ադրբեջանի և Ուզբեկստանի նախագահների համատեղ այցը Արցախի գրավյալ տարածքներ՝ Շուշի և Ֆիզուլի։ Նախատեսված է նաև բարձր մակարդակի բանակցություններ և ընդլայնված կազմով նիստ։
Հավելենք, որ Թուրքիայի նախագահ Ռեջեփ Թայիփ Էրդողանից հետո Միրզիոևը երկրորդ օտարերկրյա պետությանը ղեկավարն է, որը կայցելի Ադրբեջանի վերահսկողությանն անցած Արցախի տարածքներ։
