17.12.2025 | 16:05
ՆԱՏՕ-ի գլխավոր քարտուղարի տեղակալը վաղը Հայաստան կայցելի
Ուկրաինայի 47-րդ բրիգադի զինվորները մտել են Ռաբոտինո գյուղ և տարհանել բնակիչներին
Քաղաքականություն
22.08.2023 | 14:45
Ուկրաինացի զինվորականները մտել են Զապորոժիեի շրջանի Ռաբոտինո գյուղ և կազմակերպել բնակիչների տարհանումը։ Այս մասին հայտնել է Ուկրաինայի պաշտպանության փոխնախարար Աննա Մալյարը, գրում է BBC-ի ռուսական ծառայությունը։
«47-րդ բրիգադի զինվորները, որոնք մարտերով մտել են Ռաբոտինո գյուղ, Bradley հետևակի մարտական մեքենայով կազմակերպել են խաղաղ բնակիչների տարհանումը»,- գրել է նա իր Telegram ալիքում՝ լուսանկար հրապարակելով։
«Մեր մարտիկներն իրականացնում են պլանային մարտական աշխատանք և ոչնչացնում հակառակորդին։ Ի պատասխան՝ ռուսներն անընդհատ հրետանիով գնդակոծում են Ռաբոտինոն»,- հավելել է նա։
ՌԴ Պաշտպանության նախարարությունը չի մեկնաբանել Մալյարի հայտարարությունը։
Երեքշաբթի Պատերազմի ուսումնասիրության ամերիկյան ինստիտուտը (ISW) իր ամենօրյա ամփոփագրում հայտնել էր, որ ուկրաինացի զինվորականները մարտավարական հաջողությունների են հասել Ռաբոտինո գյուղի տարածքում։
