02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ՀԱՀ-ում մեկնարկում է BRICS-ի եռօրյա գագաթնաժողովը
Քաղաքականություն
22.08.2023 | 14:02
BRICS դաշինքի առաջնորդները, որոնց կազմում են Բրազիլիան, Ռուսաստանը, Հնդկաստանը, Չինաստանը և Հարավաֆրիկյան Հանրապետությունը, եռօրյա գագաթնաժողով կանցկացնեն Յոհաննեսբուրգի Սանդթոն ֆինանսական շրջանում, գրում է VOA-ն։
Ռուսաստանի նախագահ Վլադիմիր Պուտինը գագաթնաժողովին կմասնակցի տեսակապի միջոցով` այն բանից հետո, երբ նրա այցը ՀԱՀ խոչընդոտվեց ուկրաինական պատերազմի հետ կապված Միջազգային քրեական դատարանի կողմից տրված ձերբակալության օրդերի պատճառով։ Նրա փոխարեն Յոհաննեսբուրգ է մեկնել ԱԳ նախարար Սերգեյ Լավրովը։
Հարավաֆրիկյան Հանրապետության նախագահ Սիրիլ Ռամաֆոսան կընդունի Չինաստանի նախագահ Սի Ցզինպինին, Բրազիլիայի նախագահ Լուիս Ինասիո Լուլու դա Սիլվային և Հնդկաստանի վարչապետ Նարենդրա Մոդիին, ովքեր անձամբ կմասնակցեն գագաթնաժողովին։
Գագաթնաժողովի հիմնական իրադարձությունները տեղի կունենան չորեքշաբթի, դրանք կհամալրվեն երեքշաբթի և հինգշաբթի օրերին կայանալիք հանդիպումներով։
Ակնկալվում է, որ այդ հանդիպումները ընդհանուր կոչ կլինեն գլոբալ հարավի երկրների միջև համագործակցության ընդլայնման համար՝ նրանց աճող դժգոհության ֆոնին, որ Արևմուտքը, ըստ իրենց, գերակայում է համաշխարհային ինստիտուտներում:
