24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Իրանում hավանություն են տվել հիջաբի մասին օրենքի խստացմանը
Քաղաքականություն
21.08.2023 | 13:43
Իրանի խորհրդարանական հանձնաժողովը հաստատել է հիջաբ կրելու մասին օրենքը խախտելու համար պատժի խստացումը։ Հաջորդ քայլով նոր օրենքը կներկայացվի Սահմանադրության պահապանների խորհրդին՝ պահպանողական հոգևորականներից կազմված վերահսկող մարմնին, գրում է DW-ի ռուսական ծառայությունը։
CNN-ի հաղորդմամբ՝ օրինագիծը բաղկացած է 70 հոդվածից, այդ թվում՝ շատ ավելի մեծ տուգանքներ և երկարաժամկետ ազատազրկում կանանց համար, ովքեր հրաժարվում են հիջաբ կրել, նոր խիստ պատիժներ հայտնի մարդկանց և օրենքը խախտող ընկերությունների համար, ինչպես նաև արհեստական բանականության օգտագործումը կանոնը խախտողներին հայտնաբերելու համար։
Իրանական օրենսդրության ներկայիս տարբերակում հագուստի կանոնների խախտումները պատժվում են ազատազրկմամբ՝ 10 օրից երկու ամիս ժամկետով կամ տուգանքով՝ 50,000-ից 500,000 իրանական ռիալով (1-ից 10 եվրո): Օրենքի նոր փաթեթը նախատեսում է 5-10 տարվա ազատազրկում, ինչպես նաև մինչև 360 միլիոն իրանական ռիալի (7800 եվրո) տուգանք:
Օրենսդրության խստացումը երկրի ղեկավարության պատասխանն էր 2022 թվականի բողոքի ցույցերին։ Դրանց պատճառ էր դարձել Իրանի բարոյականության ոստիկանության կողմից հիջաբը սխալ կրելու համար բերման ենթարկված 22-ամյա Մահսա Ամինիի սպանությունը։
