17.12.2025 | 12:00
ԱԺ արտահերթ նիստը՝ ՈՒՂԻՂ
ԱՀԿ-ն հայտնել է 28 օրվա ընթացքում աշխարհում COVID-19-ով հիվանդացության դեպքերի 63% աճի մասին
Քաղաքականություն
18.08.2023 | 15:12
Հուլիսի 17-ից օգոստոսի 13-ն ընկած ժամանակահատվածում արձանագրված COVID-19 դեպքերի թիվը, նախորդ 28 օրվա համեմատ, աճել է 63%-ով։ Միևնույն ժամանակ, կորոնավիրուսային վարակի հետևանքով մահացությունների թիվը նվազել է 56%-ով։ Նշված ժամանակահատվածում աշխարհում վարակվել է ավելի քան 1,4 միլիոն մարդ, մահացել է ավելի քան 2,3 հազարը։ Այս մասին է վկայում Առողջապահության համաշխարհային կազմակերպության (ԱՀԿ) շաբաթական համաճարակաբանական ամփոփագիրը, փոխանցում է Կոմերսանտը։
28 օրվա ընթացքում 234 երկրներից 104-ը (44%) ԱՀԿ-ին հայտնել են COVID-19-ի առնվազն մեկ դեպքի մասին։ Տարածաշրջանային մակարդակում նոր հաղորդված դեպքերի թիվը նվազել է 28 օրվա ընթացքում ԱՀԿ հինգ տարածաշրջաններից չորսում՝ Աֆրիկայում (-80%), Հարավարևելյան Ասիայում (-51%), Եվրոպայում (-18%), Արևելյան Միջերկրական ծովում (-16%)։
ԱՀԿ-ն ընդգծել է, որ COVID-19-ը շարունակում է մնալ «խոշոր սպառնալիք»՝ չնայած արտակարգ դրության ավարտին, որը կազմակերպությունը հայտարարեց մայիսի 5-ին։
Բացի այդ, ԱՀԿ-ն ուշադրություն է հրավիրել կորոնավիրուսային վարակի օմիկրոն շտամի նոր տարբերակի՝ «EG.5 Eris»-ի տարածման աճի վրա։ Օգոստոսի 17-ի դրությամբ՝ այն հայտնաբերվել է 50 երկրներում։ Մեկ շաբաթ առաջ այդպիսի 48 երկիր կար։
