16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Ուկրաինան դանդաղ, բայց հաստատուն կերպով հետ է վերադարձնում իր հողը․ Ստոլտենբերգ
Քաղաքականություն
17.08.2023 | 19:05
ՆԱՏՕ-ի գլխավոր քարտուղար Յենս Ստոլտենբերգը, ելույթ ունենալով Նորվեգիայում հրավիրված համաժողովում, ասել է, որ Ուկրաինան դանդաղ, բայց հաստատուն կերպով հետ է վերադարձնում իր հողը, և վստահեցրել, որ ՆԱՏՕ-ն կշարունակի աջակցել Ուկրաինային մինչև հաղթանակը, փոխանցում է BBC-ի ռուսական ծառայությունը։
Ուկրաինային աջակցելու վերաբերյալ նա նշել է, որ ԱՄՆ Կոնգրեսում երկու կուսակցությունների միջև կա լայն համաձայնություն։
Միաժամանակ, Ստոլտենբերգը խոստովանել է, որ ՆԱՏՕ-ում շարունակվում են ներքին քննարկումներն այն մասին, թե ինչպես վերջ տալ այս պատերազմին և հասնել տարածաշրջանում խաղաղության։
ՆԱՏՕ-ի գլխավոր քարտուղարն անդրադարձել է նաև միջուկային զենքի խնդրին։ Նրա խոսքով՝ ՆԱՏՕ-ն չի նկատում Ռուսաստանի միջուկային ուժերում որևէ փոփոխություն, հետևաբար, Հյուսիսատլանտյան դաշինքը պատճառ չի տեսնում վերանայելու իր սեփական կայանքների հարցը։
