02.11.2024 | 19:00
Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ
Ցանկանում ենք այդ միջանցքը կրկին բաց տեսնել․ Սպիտակ տունը՝ Լաչինի միջանցքի մասին
Քաղաքականություն
17.08.2023 | 14:28
Սպիտակ տան Ազգային անվտանգության խորհրդի խոսնակ Ջոն Քիրբին հայտարարել է, որ ԱՄՆ-ը շարունակում է «ներգրավված լինել»՝ օգնելու Ադրբեջանին և Հայաստանին դիվանագիտական ճանապարհով խաղաղության հասնելու հարցում։
«Մենք պահպանել ենք երկխոսությունն ու դիվանագիտությունը տարբեր մակարդակներում, և դա շարունակվում է՝ սկսած Ազգային անվտանգության խորհրդից, պարոն Ջեյք Սալիվանից և պարոն [Ջոն] Ֆայներից մինչև Պետքարտուղարություն։ Նկատի ունեմ՝ մենք կանոնավոր կերպով աշխատում ենք՝ տեսնելու՝ արդյո՞ք դիվանագիտական ճանապարհով կարող ենք ավելի լավ արդյունքի հասնել»,- ասել է Քիրբին։
Նա նաև ընդգծել է Վաշինգտոնի «խորը մտահոգությունը» Լաչինի միջանցքի վերաբերյալ։
«Մենք ցանկանում ենք այդ միջանցքը կրկին բաց տեսնել։ Մենք շարունակում ենք կոչ անել Ադրբեջանի կառավարությանը՝ արագ վերականգնել միջանցքով առևտրային, հումանիտար և մասնավոր մեքենաների ազատ տարանցումը»,- ասել է Քիրբին։
